ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សិស្សនិទ្ទេស A នៅក្រុងតាខ្មៅចំនួន ៣២នាក់ នឹងទទួលបានរង្វាន់ម៉ូតូម្នាក់មួយគ្រឿងពីអភិបាលខេត្តកណ្តាល

  • ចុះផ្សាយថ្ងៃទី១១ ខែធ្នូ ឆ្នាំ២០២៣ ម៉ោង ១០:៤៨ នាទី ដោយ EAC News
  • 1917
  Aa |   aA

កណ្តាល៖ អភិបាលខេត្តកណ្តាល លោក គង់ សោភ័ណ្ឌ បានប្រកាសនឹងផ្តល់រង្វាន់ម៉ូតូចំនួន៣២គ្រឿងដល់សិស្សដែលប្រឡងបាក់ឌុបឆ្នាំនេះជាប់និទ្ទេស A សម្រាប់ក្រុងតាខ្មៅឆាប់ៗនេះ ខណៈសិស្សនិទ្ទេស A នៅក្រុងស្រុកដទៃទៀតនៃខេត្តកណ្តាល លោក គង់ សោភ័ណ្ឌ ណែនាំឱ្យអាជ្ញាធរត្រូវផ្តល់រង្វាន់ម៉ូតូជូនពួកគេផងដែរដើម្បីជាការលើកទឹកចិត្តដល់ពួកគេដែលបានខិតខំរៀនសូត្រ។

បើតាមអភិបាលខេត្តកណ្តាល លោក គង់ សោភ័ណ្ឌ សរុបសិស្សនៅខេត្តកណ្តាលដែលទទួលបាននិទ្ទេស A មានចំនួន ១៤៨នាក់ ស្រី ៩១នាក់ ក្នុងចំណោមសិស្សដែលប្រឡងជាប់ទាំងអស់ ៨ ១៦៧នាក់ ស្មើនឹង ៧៦,៤៨%។ ខេត្តកណ្តាលគឺជាខេត្តជាប់ចំណាត់ថ្នាក់លេខ៣ ដែលមានសិស្សជាប់និទ្ទេស A ច្រើនជាងគេ។

អភិបាលខេត្ត បានជំរុញ និងគាំទ្រដល់មន្ទីរអប់រំយុវជន និងកីឡាខេត្ត ត្រូវប្រើប្រាស់ស្តង់ដារសាលាគំរូ តាមអនុសាសន៍របស់ នាយករដ្ឋមន្ត្រីនៃកម្ពុជា សម្តេចមហាបវរធិបតី ហ៊ុន ម៉ាណែត ដើម្បីពង្រឹងគុណភាពអប់រំ ជាពិសេសជួយជំរុញដល់ការប្រឡងជាប់និទេ្ទស A ក្នុងខេត្តកណ្ដាល កាន់តែទទួលបានចំណាត់ថ្នាក់ល្អទូទាំងប្រទេសនាពេលអនាគត។

ជាមួយគ្នានេះ លោកអភិបាលណែនាំឱ្យមន្ទីរអប់រំខេត្តជួយលើកកម្ពស់ឥរិយាបថសិស្សល្អ សក្តិសមជាកុលបុត្រខ្មែរ ដែលមានអរិយធម៍ខ្ពង់ខ្ពស់ មានគុណធម៍ សីលធម៍ និងសុជីវធម៍ ចេះដឹងគុណូបការៈចំពោះលោកគ្រូ អ្នកគ្រូ ដែលបានបង្ហាត់បង្រៀនឱ្យមានចំណោះដឹង ជំនាញសមត្ថភាព និងទេពកោសល្យដល់ខ្លួនផងដែរ។

គូសបញ្ជាក់ថា លទ្ធផលប្រឡងបាក់ឌុបឆ្នាំ២០២៣ នេះបានបង្ហាញថា មានសិស្សប្រឡងជាប់សរុបចំនួន ៩៨ ៤៦០នាក់ ស្មើនឹង ៧២,៨៩ភាគរយ។ ក្នុងនោះមានសិស្សបាននិទ្ទេស A ចំនួន ១ ៦៧៣នាក់ និទ្ទេស B ៦ ៩៦៤នាក់ និទ្ទេស C ១៨ ៣០៨នាក់ និទ្ទេស D ៣៤ ២៤៦នាក់ និងនិទ្ទេស E ៣៧ ២៦៩នាក់៕


ព័ត៌មានជាច្រើនទៀតសម្រាប់អ្នក